Categoría: A menos de media hora

Moitos son os mosteiros que se atopan na zoa. Entre outros, destaca o MOSTEIRO DE SAN LORENZO DE CARBOEIRO, antigo mosteiro benedictino. Esta obra arquitectónica reflicte o arte medieval galego. Atópase no concello de Silleda, lindeiro con A Estrada.

Outro mosteiro medieval (románico), é o MOSTEIRO DE ACIVEIRO, do século XII, considerado monumento histórico-artístico e convertido, na actualidade, en hostal-monumento. Atópase no Concello de Forcarei, no lugar de Aciveiro, a unha altitude de case 1000 metros, preto da serra do Candan.

 

 
En canto ós pazos, en A Estrada temos o privilexio de poderlles ofrecer a visita a un dos pazos máis emblemáticos da nosa xeografía: o PAZO DE OCA, de estilo barroco, tamén coñecido como o “VERSALLES GALEGO” pola beleza dos seus xardíns e a presencia de numerosas prantas ornamentais centearias, como por exemplo: camelias, azaleas, rododendros, palmeiras…

 

 

 
Para terminar, en pleno marco rural, atópanse numerosas igrexas románicas, ben sexa no noso concello, ou ben en concellos lindeiros (Ruta do románico Trasdeza), algunha delas situadas no camiño MOZÁRABE (Vía da prata).

Trátase dun dos lugares máis fermosos do noso concello: a ponte colgante de Xirimbao. Esta ponte cruza de lado a lado o río Ulla, comunicando as provincias de Pontevedra e A Coruña. Este lugar, que conta ademáis cunha área recreativa, é un dos tres coutos salmoneiros (Couso, Sinde e Xirimbao) de A Estrada.

Outra área recreativa de interés, é a da Carixa, no concello de Vila de Cruces, a carón do río Deza, con parque infantil, locais de ocio e piscina natural.

A poucos minutos da casa, hai numerosos e pequenos regueiros, con fervenzas de auga que no seu día foron aproveitadas para instalar muiños, algúns ainda existentes e restaurados: pincho de Curantes, fervenza de Callobre…

De maior importancia é o salto que forma o RÍO TOXA, a conocida FERVENZA DO TOXA, cunha caída de 60 metros, a máis alta de Galicia. Encóntrase no concello de Silleda e para chegar a ela hai que percorrer un fermoso camiño nun espacio natural único e de singular beleza.

Sen dúbida, una das excursións máis recomendadas.

Para os apaixoados do arte rupestre, ofrecémoslle a visita ó recinto ARQUEOLÓXICO de ARTE RUPESTRE, en Campo Lameiro, un recinto de máis de 21 hectáreas, onde encontrar grabados rupestres en óptimo estado de conservación, petroglifos e a recreación de un pequeno poboado de hai máis de 4000 anos. Existe tamén un centro de interpretación-museo de 5000 m2.

Toda una ledicia.

Moi interesante é a visita a “PEDRE”, no concello de Cerdedo. Pedre, coñecida tamén como a “Combarro interior”, é un lugar onde se atopan numerosos hórreos (antigos graneiros de pedra), na chamada “eira grande”.

Estes horreos, 22 en total, datan do ano 1899. Tiñan a función de almacén de millo. Están aillados do terreo por varios pés de pedra. Dende a Eira grande, pódese chegar á ponte románica de Pedre, sobre o río Lerez.

Son moitas as rutas de sendeirismo que se poden realizar a escasos minutos da casa, de dificultade e tempo medio.
Cruzando regueiros, carballeiras, pasando por pobos semi-abandoados… é unha sensación de regreso ó pasado, que non os deixará indiferentes.